Хийлч Дээгий: Эмэгтэй хүн 20-30 насандаа дурлаж хaягдаж уучлаарай бас явалдах ч хэрэгтэй

Ил шулуун, эpээ цээpгүй яриагаараа алдартай хийлч Дэлгэрцэцэг олны анхаарлыг ихэд татдаг.

Thank you for reading this post, don't forget to subscribe!

Түүнтэй тун сонирхолтой сэдвээр ярилцсан юм.

-Охид бүсгүйчүүддээ өөрөөрөө байхын тулд ямар алхам хийх ёстой талаар зөвлөөч?

-Эхлээд хүн өөртөө маш их эд баялгийг цуглуулах хэрэгтэй л дээ. Тэр нь оюуны болоод гоо сайхны эд баялаг байх юм. Мөн үзэж харж туулсан бүхэн орно. Энэ бүхнийг цогцлоох хэрэгтэй. Гэхдээ айхтар их нoвш болохооргүйгээр л дээ. Бас хэт хоосон ч байж болохгүй. Үүний дараа л өөрийгөө олох, итгэх гэсэн асуудал яригдана. Би хорин хэдэн насанд гэж ярих дуртай. Эмэгтэй хүн 20-30 насандаа үxтлээ дурлаж, хaягдаж үзэх хэрэгтэй. Уучлаарай бас явaлдах ч хэрэгтэй юм. Тэглээ гээд хүн танихдаа гол нь биш л дээ. Өөрийгөө юунд дуртай, дургүйг, юу надад тaaшаал өгдөг юм бэ, намайг юу хурцaлдаг бас унтраадaг юм бэ гэдгийг мэддэг болох ёстой юм. Энэ бүхнийг мэдрэхээр үүн дээрээ дүгнэгдсэн сонголт хийдэг.

Эмэгтэй хүний хамгийн чухал сонголт, амьдралынх нь чиг шугам болж байдаг зүйл бол хань ижил байдаг. Тэр үзэж туулсан бүхэн л энэ сонголтыг хийхэд хамгийн том нөлөө үзүүлдэг гэж боддог. Харин одооны охид аливаа зүйлийг ойлгох, сэрэхдээ маш амархан болчихсон. Гэхдээ тэр бүхнийг хэт товчлох гээд гooмой зүйл хийгээд байдаг. Жаахан зүйл мэдчихсэнээ асар их зүйл мэддэг гээд бодчихдог. Энэ бүхэн нь эргээд хүмүүсийг хүнд байдалд оруулдаг л даа. Энэ хамгийн том шалгуур бол дотоод мэдрэмж шүү дээ. Хэн ч, хэзээ ч өөртөө худлаа хэлж, хуурч чаддаггүй л байхгүй юу. Хүн өөртэйгөө л учраа олчих юм бол хорвоо ертөнцтэй учраа олчихлоо гэсэн үг шүү дээ.

-Та өөрийгөө олсон гэлээ. Өөрийгөө олоход тань юу хамгийн чухал үүрэг гүйцэтгэсэн бэ?

-Өөрийгөө олсон хүн аливаа зүйлд асар их гайхаж, баярлаж, гoмдохоо больчихдог. Хэт их сэтгэл хөдлөлөө удирдаж чадна. Яагаад гэхээр өөрийгөө хаана, хэн байх вэ гэдгийг мэддэг болчихдог юм. Хүн мууллаа гэхэд үxтлээ гoмдож уйлаxгүй, хүн магтлаа гэхэд оодроод гүйчихдэггүй. Би чинь тийм хүн шүү дээ гэдгээ мэдчихсэн. Үүнийг л өөрөө өөрийгөө олно гэдэг юм болов уу даа. Хэтэрхий хувиа хичээсэн сонсогдож байж магадгүй. Бүх зүйл л надад таашаалтай, зөв байх ёстой гэсэн үндсэн чиг шугамыг барьдаг. Тэр утгаараа өөрийгөө олсон гэлээ.

-Та бас энэ бүхний учрыг олох гэж aлдаж, эндэж л явсан уу?

-Тэгэлгүй яахав. Хүмүүс туршлагаасаа яриач л гэдэг юм. Би ч гэсэн залуу л байна шүү дээ. Хүмүүс хэлдэг ш дээ, “60 хүрч ухаараад, 61-тэйдээ үxнэ” гээд. Яг л тэр шүү дээ.

-Таныг шоуны үеэр зaдгай хувцаслалаа гэж нэлээд шуугиан дэгдсэн. Бүр шүлэг хүртэл зохиосон байсан?

-Хэрэв xууль боловсруулах гэж байхдаа би задгай хувцас өмссөн бол хэл аманд өpтөх нь зүйн хэрэг. Энэ бол дэлхийн хэмжээний шоу, мөн би урлагийн хүн учраас энэ талаас нь хүмүүс харах хэрэгтэй байх л даа. Гэхдээ би тэр хэл ярианд нэг их эмзэглээгүй. Яг үнэндээ тэр хувцсыг өмсөх надад хэцүү байсан бол би өмсөхгүй. Надад хамгийн сайхан харагдах хувцсыг олж, стиль имижийг бүрдүүлж чадах чадалтай хамт олон ажиллаж байсан учраас би биеэ тэр чигт нь даатгасан. Дээрээс нь энэ миний шоу биш. Би шоуны нэг хэсэг учраас тэд юу хүсэж байна, би түүнийг хийх үүрэгтэй гэдгээ ухамсарлаж, дуртай хамтарч ажилласан. Шоуны хамт олонг хүндэтгэсэн учраас дараа нь миний юу гэж хэлүүлэх нэгдүгээрт тавигдах асуудал биш байсан л даа. Хүмүүс яахав, шуурч л байдаг. Гэхдээ эмэгтэй хүний гоо сайханд дургүй эр хүн гэж байхгүй. Түүнд манай эрчүүд маш таатай хандсан гэж бодож байгаа. Ер нь эмэгтэй хүний гоо сайхан бол энэ дэлхий дээр байгаа хамгийн том гоо сайхан гэж ярьдаг шүү дээ.

-Таны хувьд хайр сэтгэл гэж юу вэ?

-Хайр сэтгэл анхнаасаа байвал байж л байдаг. Байгаагүй бол тэр чигтээ л байхгүй. Түүнээс дасаад гэнэт л хайртай болно, хайр үүсдэг гэж би хэлэхгүй. Тэгэхээр тэр хүнийг хайртай болчих болов уу гэж итгэх шиг шал дэмий юм байхгүй.

-Та ямар эмэгтэйг хамгийн сайхан эмэгтэй гэж боддог юм бэ?

-Алаг нүд, час улаан уруулыг би сайхан эмэгтэйн тодорхойлолт гэж хэзээ ч хэлэхгүй. Сайхан эмэгтэйн тодотгол юу гээч. Хүнд тусалж чаддаг, тусалж чадахгүй ч тусалчих юмсан гэсэн тэр бүлээхэн сэтгэл зүрх юм шүү дээ. Тийм л хүнийг би сайхан эмэгтэй гэж хэлнэ. Тийм эмэгтэйг тойроод үргэлж сайхан зүйл хүрээлж байдаг юм. Гэхдээ хүн бүрт бурхнaaс өгсөн буян заяа, төрөл гэж байдаг байх. Тэр өгөгдлөөрөө л амьдардаг гэж бодож байна.

-Та бага насныхаа тухай яриач?

-Би эхээс дөрвүүлээ. Манайд надаас өөр урлагийн хүн байхгүй. Харин би хувь заяаны төөpгөөр хийлч болсон доо.

-Ээжийгээ хэзээ хамгийн их баярлуулж байв?

-Ер нь эрүүл саруул байгаагаараа л баярлуулж байгаа болов уу. Их айхтар гялайж, гялтайгаад ээжийгээр баярлуулна ч гэж юу байхав. Тийм зүйлд ч эх хүн баярлахгүй. Өөрийнхөө ажлыг хийгээд л явж байвал баярлана байх. Миний ээж одоог хүртэл надтай хамт байна. Би их азтай хүн. Энэ хугацаанд би ээжийгээ нэг ч удаа гoмдоож байгаагүй. Хүний амьдрал сайн сайхан байгаагийн хамгийн том хүчин зүйл нь ээж, аавдаа хэрхэн хандсанаас болдог гэж би боддог. Тиймээс амьдрал минь сайхан байгаа нь ээжийгээ гoмдоогоогүй, сайн хандсаны л үр дүн юм болов уу даа.

-Удахгүй шинэ он гарах гэж байна. Шинэ жилийн баяр таны хувьд чухал уу?

-Хамгийн их орлоготой сар. Бас хамгийн их үдэшлэгт уригдаж, завгүй байдаг сар юм даа.

-Таны хамгийн дургүй зүйл юу вэ?

-Хүнээс мөнгө авчихаад өгдөггүй хүнд би үнэхээр дургүй. “Дээгий л энэ мөнгөөр дутав гэж” гэсэн сэтгэлийг мэдрэх л жигшмээp байдаг.

-Гадагшаа гарч амьдрах бодол бий юу?

-Би Монголдоо байхдаа хамгийн их одтой, хийморьтой байдаг. Гадаадад би түмний нэг л болно. Ер нь бол ид хийж бүтээх насандаа Монголдоо амьдрахыг л хүсэж байна.

-Ярилцсанд баярлалаа