Гадаадынхны хувьд бидний амьдрал, ёс заншил, хэв маяг үргэлж л сонин содон зүйлсийн нэг байсаар ирсэн. Тэр ч утгаараа дэлхийн өнцөг булан бүрээс ирсэн жуулчид, бидний талаар сайн муу янз бүрийн л тодотголтой буцаж, түүнийгээ ард иргэддээ хүргэдэг. Тэгвэл энэ удаад та бүхэндээ Японы нэгэн гэр бүлийн 4 жилийн турш Монголд амьдарсны дараах дүгнэлтийг ямар ч нэмэлт хачиргүйгээр орчуулан хүргэж байна. Монголчуудын тухай гадныхны бодол “Намайг 8 настай байхад, миний гэр бүл Монгол улсын нийслэл Улаанбаатар хот руу нүүсэн юм.
Thank you for reading this post, don't forget to subscribe!Бид тэнд 4 жил амьдарсны эцэст, эргээд Америк руугаа буцсан юм даа. Энэ мэдээж тийм ч урт хугацаа биш л дээ, гэхдээ л бид тэнд яг гэртээ байгаа мэт тухтай байсан. Би энэ газарт хайртай. Төрөлх нутаг руугаа буцсаны дараа өөрийгөө үргэлж Монголд байгаа мэтээр төсөөлдөг байж билээ. Тиймээс ч та бүхэндээ Монголчуудын талаар мэдэх ёстой 10 зүйлийг хүргэе” 2. Тэд Монголоор ярьдаг. Хятад биш Удалгүй бидний яриа өөр сэдэв рүү орох нь тэр. Тэр надаас: Чи Монголд амьдарч байсан юм бол хэлээч, Тэд тэгээд Хятадаар ярьдаг уу? Үгүй дээ, үгүй. Огтхон ч тийм биш найз минь. Би Хятадаар ярьж чадахгүй, Тэд ч гэсэн адилхан. Зөвхөн өөрсдийнхөө Монгол хэлээр л ярьдаг.
Зарим хүмүүс Монгол улсыг Хятад улсын колони хэмээн боддог бололтой. Яагаад гэвэл тэд Өвөр Монголыг, Ар Монгол улстай андуурдаг болоод тэр шүү дээ. Надад үнэндээ тайлбарлаад хэлчих үг олдоогүй шүү. Өвөр Монгол бол Хятад улсад амьдардаг Монгол цустай хүмүүс. Харин Монголчууд бол тэднээс өөр. Тэд өөрсдийн хэл соёл, ёс заншил, агуу түүхтэй шүү дээ. Хүмүүс яагаад энэ хоёрыг андуураад байдгийг үнэхээр хэлж мэдэхгүй юм. 3. Тэд хонины мах иддэг Нутагтаа ирэхэд минь хүмүүс надаас маш олон зүйлийг асуудаг байсан. Заримдаа бүх “Чи ч Монголд амьдраад үзчихдэг азтай юмаа. Би Монголын хоолонд дуртай шүү” хэмээн хэлдэг хүмүүстэй ч тааралдсан шүү. Монголд очсоны дараах хэдэн сар надад үнэхээр хүндрэлтэй байсныг нуухгүй ээ.
Учир нь тэд үнэхээр ховдог хүмүүс байна лээ. Цагаан сар хэмээх үндэснийхээ баяраар, хүмүүс нь суурин дээрээ хонины махаар хийсэн 500 орчим бууз,1000 литр орчим сүүтэй цайг торохгүй уучихдаг. Би ч түүнийг нь идэж үзсэн. 4. Авто зам нь муруй, нарийхан Би анх Монголд ирэхдээ замыг нь хараад л шууд эх орноо санаж эхэлсэн. Учир нь машин замын хувьд энд үнэхээр бүдүүлэг. АНУ-д давхар гүүрэн замууд, тэрчлэн хурдны зам, метроны зам зэргүүд байдаг. Харин Монголд ирээд “зам” гэж юу болохыг удахгүй мартаж эхэлсэн. Бид нэг удаа наадам хэмээх баяраар хөдөө явсан юм. Тэгэхэд очих зам талдаа ч ороогүй байхад бид ядарч эхэлсэн. Учир нь маш их шавхай шалбааг, мод чулуутай байсан учир үнэхээр их зүдэрсэн шүү. Харин тэд өөрсдөө тоосон шинжгүй явж байгаа нь надад бахархалтай санагдаж билээ.
5. Улаанбаатар хот Би Монголд ирэхээсээ өмнө, Улаанбаатар хотыг дов толгодоор хүрээлэгдсэн, адуу малтай тал газар байдаг байх гэж боддог байлаа. Гэвч энд ирсэн мөчөөс эхлээд миний бодол бүрэн өөрчлөгдсөн гэхэд болно. Улаанбаатар хот нь дэлхийд өрсөлдөхүйц өндөр барилгатай, хөгжиж буй хот юм. Монгол улс дэлхийн хамгийн хурдан хөгжиж буй эдийн засагтай орнуудын нэгд тооцогддог. Улаанбаатар хотын иргэдийн өнгөлөг хувцаслалл, нүүрний оо энгэсэг, чамин үс засалтууд зэрэг нь өндөр хөгжилтэй орны хүмүүсээс ч илүү. Тэд хэтэрхий ганган хүмүүс. Орчин үеийн Улаанбаатар хотын өнгө төрхийг гэр хорооллын газрууд харуулна. Энд нийт Монголчуудын тал хувь нь амьдардаг гэхэд болно. Гэр хороолол гэдэг нь модоор хашаа барьж, дотор нь байшин барьсан хотын захын хэсэг хорооллыг хэлж байгаа хэрэг. Одоо та Улаанбаатар хотын тухай бага зэрэг ч гэсэн мэддэг болсон байх.
6. Тэд бол хүмүүс, амьтад лав биш Их сургуульд байхад, долоо хоног бүр улс үндэстний талаар нийтлэлийг уншдаг байж билээ. Тэгэхэд би Монголын тухай нийтлэлийг олж уншиж байсан. Гэвч тэнд миний үзэж харсан зүйлтэй тохирох юм нэг ч байгаагүй. Хүмүүс Монголд амьдарч үзээгүй болохоор сайн мэдэхгүй байх нь зөв. Гэвч хүмүүс Монгол гэхээр л хоосон талд байгаа адуу морьдыг хүмүүст харуулдаг. Тэгэхээр чинь тэнд хүмүүс биш, морь мал амьдардаг гэж л бодно шүү дээ. Мэдээж, тэнд морьноос гадна хонь, үхэр, ямаа, тэмээ гээд 5 хошуу мал байдаг. Түүнчлэн цаа буга, харцага, сарлаг гэх мэт амьтад ч бий. Тийм гээд тэнд зөвхөн мал амьдардаг гэсэн үг биш. Монгол 3 сая хүн амтай шүү дээ. 8. Тэнд зүгээр ч нэг хүйтэн биш, бүр маш хүйтэн Ингээд бид өвлийн улиралтай нүүр тулгарлаа. Энд маш хүйтэн, бүр бидний радиатор царцсан гээд л бодчих. Монголд ил гарсан бүх зүйлс хормын дотор хөлдчихдөг. Сормуус, үс, тэр байтугай хамрын үс хүртэл шүү Бараг -40 хэм хүртэл хүйтэрч, би дотроо бараг 7 давхар зузаан хувцас өмссөнөө л санадаг юм. Хамгийн хачирхалтай нь энд цас орох тусмаа дулаардаг гэдэг юм байна лээ. Сонин байгаа биз.
