Байцааг навчлах, хэсэглэн хуваах, жижиглэн хэрчих гэсэн гурван аргаар дарна. Дарахад зориулсан байцаа нь орой ургацын хамгаалалтын 4-5 навчтай, нягт хучигдсан, толигор гадаргатай байх ёстой. Байцааг модон торх, шилэн буюу паалантай саванд дардаг. Модон торх, саванд дарах бол эхэлж савныхаа хагсааг гаргаж дараа нь сайтар ариутгаад 5-8 хувийн содын уусмалаар зайлж эгштэл нь арчина. Ингэж бэлтгэснийхээ дараа савныхаа ёроолд байцааны навчийг 4-5 үе давхарлан дэвсэнэ.
Thank you for reading this post, don't forget to subscribe!
Ингэж бэлтгэсэн байцаан дээрээ давс, лаврын навч, шар лууван зэрэг амт оруулагчийг хийж нягтруулаад энэ маягаар давтан (үелүүлж) хийх замаар саваа дүүргэж 4-5 давхар навчаар хучиж цэвэр марлиар бүтээгээд сайн таглаж дээрээс нь хүнд юмаар дарна. Савны тагийг мөн сайн ариутгах хэрэгтэй. Исгэх байцааг эхлээд тасалгааны температурт 10-12 хоног, дээд тал нь 21 хоног хүртэл байлгаж исэлт явагдаж гүйцсэний дараа хөлдөөж хадгална.
Ингэж бэлтгэсэн байцааг XII сараас дараа оны III сарыг хүртэл хэрэглэх бүрэн боломжтой. 10 кг байцаа дарахад цагаан давс 200-250 г, цэвэрлэсэн шар лууван 800 г, алим 150 г, лаврын навч 3г, хэдэн ширхэг үрлэн повоор орно.
